KARMELE JAIO – EZ NAIZ NI – AURKEZPENA
Dantza zati bat Idiazabalen – Euskal Herriko dantzak
Kataluniako esperientziaren berri Legazpin: Lluis Verdaguer Taradell-eko alkateak (CIU) eta Enric Coll Bartzelonako diputazioko teknikariak
Sasietako Mankomunitateak Legazpiko Udalaren elkarlanean antolatuta hitzaldia egingo da azaroaren 27an, 19:00etan, Legazpiko Latxartegi zineman Kataluniako atez ateko bilketaren inguruko esperientzia ezagutzeko.
“Polemika? Ez, emaitzak eta ekonomia” izenburupean hitzaldia antolatu du Sasietako Mankomunitateak Legazpin datorren astearterako. Helburua da atez atekoaren inguruan sortu den okerreko informazioa zuzendu eta inolako polemikarik gabe ezarri diren antzeko beste eredu batzuk ezagutzera ematea. Katalunian dagoeneko 100 herrik baino gehiagok atez atekoa jarria dute eta hondakinen bilketak ez du zerikusirik kolore politikoarekin. Ez guztietako alderdiak daude (ERC, CIU, PP, PSC…) sistema hori duten herrietako alkatetzetan. Horren guztiaren eta gehiagoren berri emango dute Taradelleko alkate Lluis Verdaguer-ek (CIU) eta Bartzelonako Diputazioko teknikari Enric Coll-ek 19:00etatik aurrera Latxartegi zineman egingo duten hitzaldian.
Lluis Verdaguier Taradelleko alkatea izateaz gain, La Planako mankomunitateko presidentea ere bada. Bertako 11 herritan dago atez atekoa. Taradell 6.000 biztanleko Kataluniako herria da eta 2002tik atez ateko sistema ezarria du. 2011. urtean Katalunian gehien birziklatu zuen herria izan zen gaikako bilketa osoaren % 86,23 iritsiz. Taradellen ez da sortu polemikarik atez atekoarengatik eta ez du tentsio sozialik eragin. Horren erakusle da Google-n “Taradell atez ate” idazten dugunean herriko aroztegiak agertzen direla.
Enric Coll-ek Bartzelonako Diputazioan egiten du lan, baina era berean, “Iraunkortasunerako bidean doazen herrien eta hirien sareko” teknikaria da. Estatuko lehen atez ateko sistema ezarri zuen Tianan 2000. urtean eta orduz geroztik atez ateko ezarpenetan aholkulari lanetan ibili da. Horrez gain, Manual de recogida selectiva puerta a puerta atez atekoari buruzko liburuaren egile-kidea ere bada.
Honen guztiaren berri emateko prentsa oharra komunikabideetara bidaltzeaz gain, Legazpin bandoa ere egin da etxe guztietara eta webgunearen (www.sasietanlore.net) nahiz sare-sozialen (Facebook eta Twitter) bidez ere iragarri da. Legazpiarrentzako nahiz kanpotik datorren edozein lagunentzako irekita dago hitzaldia eta amaieran galderak egiteko tartea izango du edonork. Hurrengo egunean berriz, sarean zintzilikatuko da saioaren bideoa. Komunikabideek hitzaldiaren aurretik tartea izango dute Lluis Verdaguer eta Enric Coll-ekin egoteko.
